Merry go round

Life's a function of time... A cyclic function of time..


aaj fir wahi mausam hai
fir wahi shaam hai aaj...

zehen mein aaj fir wahi uljhan hai
fir ek jawaab ki talaash hai aaj...

aawara ye dil chahta hai chhoo lu aasmaan
fir se ek udaan ki darkaar hai aaj...

khayaalon ka dariya bhar hai tasavvur mein
fir ek saahil ki chaahat hai aaj...

hai le aayi zindagi usi mukaam par
fir ek safar ki tamanna hai aaj...

ye kaisi si khushboo fiza mei faili hui hai
fir se hawaaon mein wo rangat hai aaj...

hai dhadkaa aaj ye dil fir se
fir kisi pe mar mit jaane ki neeyat hai aaj...